Undanfarið höfum við hjá Trackwell unnið að spennandi verkefni í samvinnu við Naust Marine og fleiri aðila. Um er að ræða fyrsta kerfi sinnar tegundar, sem ætlað er að auka hagkvæmni við togveiðar með bættu aðgengi að upplýsingum um beitingu veiðarfæra og umhverfisaðstæður.

Frumgerð Optigear er nú í prófunum um borð í einum af nýju ísfiskstogurum HB Granda, þar sem safnað er rauntímaupplýsingum frá togvindukerfi, veiðarfæranemum, umhverfisskynjurum og afladagbók í sameginlegan gagnagrunn.

Skipstjórinn fær greinargott yfirlit um notkun veiðarfæra og aðgengi að upplýsingum um fyrri veiðiferðir. Þannig má sjá nákvæmlega hvernig veiðarfærum var beitt á veiðisvæðum sem skiluðu góðum afla.
tog18

Fyrir hvert kast er sjálfkrafa skráð hvenær troll fer út, hlerum sleppt, tog hefst, hvenær híft er og poki losaður. Allar upplýsingar um togátak, víralengd, dýpi og afstöðu hlera, ásamt umhverfisþáttum og staðsetningum eru skráðar. Gögnin eru tekin saman og send í land þar sem útgerðir fá upplýsingar í rauntíma um úthald, helstu þætti og frávik. Með leyfi útgerða, gefst veiðarfæraframleiðendum og rannsóknaraðilum kostur á að nýta gögnin við framþróun búnaðar.

Stefnt er að því að ljúka prófunum frumgerðar í haust og í framhaldi mun lausnin verða kynnt fyrir útgerðum togskipa.

Nánari upplýsingar veitir Hafsýnar hópurinn í síma 5100 600

Tímon Vaktaplan – morgunverðarfundur

Við buðum notendum Tímon Vaktaplans í kaffi og bakkelsi nú í morgunsárið í tilefni af nýrri útgáfu kerfisins. Frábær mæting og góðar umræður. Við höfum undanfarið unnið að breytingum á Tímon Vaktaplani í góðu samstarfi við nokkra af viðskiptavinum okkar og er nýja...

read more

Glænýtt myndband frá Hafsýn

Ein af lausnum okkar hér í Trackwell er Hafsýn. Hafsýn er heildarlausn fyrir skráningar á veiðum og vinnslu um borð. Meðal viðskiptavina eru eru Grandi, Þorbjörn og Vísir. Hafsýn býður upp á lausnir á skráningu og miðlun upplýsinga fyrir sjávarútvegsfyrirtæki. Hafsýn...

read more