Við vitum hversu mikilvægt er að sinna viðhaldi og ekki síst hjá fyrirtækjum sem eru með mörg ökutæki í sínum flota. Viðhaldsvöktun Flota tryggir að fyrirbyggjandi viðhald sé framkvæmt á réttum tíma og eykur þannig afkastagetu tækja og minnkar líkurnar á kostnaðarsömum stoppum vegna bilana.

Viðhaldsvöktun Flota, hugbúnaður þróaður af starfsmönnum Flota, heldur utan um viðhaldssögu ökutækisins sem getur verið ómetanlegt ef óvæntar bilanir komi upp á.

„Stopptíminn er kostnaðarsamur, flest fyrirtæki mega ekki við því að tæki og bílar stöðvist lengur en nauðsynlegt er. Fyrirbyggjandi viðhaldsviðgerðir gegna því lykilhlutverki við að takmarka þann tíma sem farartæki eru ónothæf og það dregur úr kostnaði. Viðhaldsvöktun Flota gefur stjórnendum rauntímaaðgang að nýjustu viðhaldsgögnunum, þannig sé hægt að gera nauðsynlegar breytingar á viðhaldsverkefnum og stýra álagi” segir Guðjón Ýmir, viðskiptastjóri Flota.

Viðhaldsvöktunin er sjálfkrafa uppsett hjá viðskiptavinum Flota og fylgir frítt með flotastýringarkerfinu. Kerfið býður upp á marga möguleika, viðskiptavinir setja til dæmis inn hvaða viðhaldi þeir vilji fylgjast með og stilla sjálfir  hversu oft eigi að framkvæma það, allt eftir tíma, kílómetrum eða vinnustundum. Eins er hægt að nota kerfið til almennra áminninga eins og hvenær eigi að fara með tæki í skoðun, setja bíla á sumardekk og þess háttar.

„Algengt er að þriðji aðili, eins og t.d. verkstæði sem sinnir viðhaldi fyrir viðskiptavini, hafi aðgang að viðhaldsvöktuninni til að fylgjast með að allt sé á réttu róli og til að skrá allt sem framkvæmt er. Nákvæm viðhaldssaga mikilvæg, í viðhaldsvöktunina er hægt að skrá viðhald sem þarf að framkvæma en ekki var gert ráð fyrir. Viðhaldssöguna má nálgast fyrir öll þau tæki sem skráð eru í vöktun. Þar má taka út skýrslu, allt frá öllum bílum í einu, niður í einn, og þar kemur fram allt sem hefur verið framkvæmt ásamt viðeigandi nauðsynlegum upplýsingum. Svo það að týna smur- og þjónustubókum er liðin tíð og auðvelt að sýna fram á allt sem hefur verið framkvæmt.“

Með Viðhaldsvöktun Flota verður hættan á óvæntum stoppum vegna bilana minni og yfirsýnin líklega aldrei betri. Nánari upplýsingar um kerfið og kosti þess veitir Flota hópurinn í síma 5100 600 eða smelltu hér til að fá tilboð.

floti-vidhald

 

Haustfundur Tímon, takk fyrir komuna

Í tilefni af komu haustsins buðum við Tímon-notendum á morgunverðarfund. Við kynntum meðal annars til leiks breytingar á vaktaplani, nýþróun í Tímon, persónuvernd og hvað er það helsta sem er framundan hjá Tímon-hópnum. Við þökkum ykkur, kæru Tímon-notendur, kærlega...

read more

Haustverkin í Tímon

Við vitum að það er komið haust þegar skólarnir byrja, laufin fara að falla og sumarstarfsmenni hætta einn af öðrum. Eitt af haustverkunum í Tímon er einmitt að fara yfir starfsmanna listann og setja sumarstarfsmennina í hópinn hættir starfsmenn. Hér...

read more

Gleðilega sól og Tímon

Ó, blessuð vertu sumarsól, mikið er gaman að sjá þig í Reykjavík. Við fengum fyrirspurn frá fyrirtæki sem ætlar að loka hjá sér eftir hádegi og gefa starfsmönnum frí. Þau vildu vita hvernig væri hægt að búa til stimplun á alla starfsmenn. Það er hægt með hópstimplun...

read more