Nýtt GPS-leiðsögukerfi frá TrackWell í hópferðabíla Kynnisferða

Kynnisferðir hafa tekið í notkun sjálfvirkt leiðsögukerfi frá TrackWell.  Kerfið er hannað af TrackWell fyrir Kynnisferðir og er viðbót við TrackWell flotastjórnunarkerfið sem hefur verið í bílum Kynnisferða um nokkurt skeið.

Þetta nýja leiðsögukerfi verður notað í ferðum sem Kynnisferðir kalla „Ísland á eigin vegum“ eða „Iceland on your own“ og í Flugrútunni milli Reykjavíkur og Flugstöðvar Leif Eiríkssonar. Sjálfvirka leiðsögukerfið notar GPS hnit til að velja viðeigandi hljóðskrár til afspilunar eftir því sem tiltekinni ferð miðar. TrackWell GPS-leiðsögukerfið leysir af hólmi geislaspilara og MP3 spilara sem bílstjórarnir hafa séð um að stjórna.  Agnar Daníelsson rekstrarstjóri hjá Kynnisferðum segir að GPS-leiðsögukerfið slái tvær flugur í einu höggi, sem felist í bættu upplýsingaflæði til farþega annars vegar og auknu öryggi við aksturinn vegna sjálfvirkninnar hins vegar.

Í upphafi ferðar sér GPS-leiðsögukerfið um að biðja farþega að spenna beltin og gefur síðan upplýsingar um ýmsa markverða staði á leiðinni. Fyrst um sinn verða upplýsingarnar á ensku, en kerfið takmarkast ekki við eitt tungumál. Þegar ekið er frá Keflavíkurflugvelli t.d. fá farþegar, upplýsingar um aksturstíma og staði sem stoppað er við á leiðinni til Reykjavíkur.

Í hverjum bíl er snertiskjár sem veitir bifreiðastjóra möguleika á að skrá akstursverkefni. TrackWell flotastjórnunarkerfið heldur utan um fjölda farþega, ekna km í verkefninu og tímann sem ferðin tók og veitir þannig haldgóðar tölfræðiupplýsingar um nýtingu flotans til stjórnenda Kynnisferða.

„Með tilkomu skjánna í bílana getum við haft samskipti við bílsjórana með netpósti  og þeir geta sent smáskilaboð og stöðuupplýsingar til baka“, segir Agnar.

„Það er mikilsvert fyrir TrackWell að hafa samstarfsaðila eins og Kynnisferðir“, segir Þórður Ingason sölustjóri hjá TrackWell. Samstarfið hefur leitt af sér ýmsar nýjungar  og er GPS-leiðsögukerfið nýjasta afsprengi þess samstarfs.

Meðal annarrar virkni í TrackWell Flota:

  • Flotastjórnun –rauntímaeftirlit á korti um Internet
  • Flotaeftirlit –  aksturslag, sagan, skýrslur og gröf
  • Viðhaldsskráning – áætlanagerð vegna viðhaldsverkefna
  • Verkúthlutun  – „dispatching“ áætlunarkerfi fyrir útkeyrslu með leiðarkerfi,
  • Viðvera – Tímon, tíma- og verkskráning
  • GPS-leiðsögukerfið – sjálfvirk leiðarlýsing
  • Þjófavörn í bíla – Skilaboð með SMS til eiganda með upplýsingum um staðsetningu

TrackWell hf. hefur frá stofnun árið 1996, sérhæft sig í hugbúnaðargerð með sérstakri áherslu á lausnir tengdar fjarskiptum og staðsetningatækni. Þjónustan kallast TrackWell Forðastýring og samanstendur af TrackWell Tímon og TrackWell Flota. Hugtakið forðastýring er þýðing á Mobile Resource Management (MRM) og stendur fyrir kerfi sem innifelur verkferla til þess að hafa eftirlit með og stýra notkun forða – „hver er að gera hvað á hverjum tíma, hvar og hvernig“.  TrackWell Floti er í rúmlega 1.000 farartækjum á Íslandi og hjá dótturfélagi TrackWell í U.S.A.

Kynnisferðir – Reykjavik Excursions (RE) var stofnað 1968 og hefur síðan þá verið í fararbroddi þeirra sem annast skipulagningu dagsferða á Íslandi. Kynnisferðir – Reykjavik Excursions hefur fullgilt ferðaskrifstofu- og hópferðaleyfi. RE rekur einn stærsta hópferðabílaflota á Íslandi, sem gerir fyrirtækið að einum öflugasta skipuleggjanda ferða fyrir einstaklinga og hópa á Íslandi.

Nánari upplýsingar um TrackWell Flota veitir Þórður Ingason sölustjóri hjá TrackWell.
Sími 510 06 00 thordur@trackwell.com

Nánari upplýsingar um Kynnisferðir veitir Þórarinn Þór, sölu- og markaðsstjóri Kynnisferða.
Sími 580 54 00 thor@re.is

 

Hafðu samband

Hafðu samband í dag til að fá meiri upplýsingar um þjónustu okkar.

+354 5100 600
Trackwell
Laugavegi 178
105 Reykjavík, Iceland

Fréttir

Markaðsstjóri

Markaðsstjóri mun starfa í teymi með framkvæmdastjóra, hönnunarstjóra og fjármálamálastjóra sem er stoðsvið við tvö viðskiptasvið.  Viðskiptasvið sjá um vöru-, sölu- og þjónustustjórnun á vörumerkjum Trackwell; Hafsýn, Tímon, Flota og TrackwellVMS.   Starfsemin byggir á  Lean/Kanban aðferðafræði við vörustjórnun og Canvas aðferðafræði í viðskiptaþróun en gera þarf núverandi markaðsstarfsemi stefnumiðaðri.  Starfið... Lesa meira

Linux-gúrú

Starfið felst í umsjón og framþróun á Linux-rekstrarumhverfi ásamt stuðningi við „continuous deployment“-stefnu fyrirtækisins. Umsækjandi þarf að hafa eftirfarandi eiginleika: Brennandi áhuga á að nýta nýjustu tækni við að straumlínulaga ferla og bæta öryggi. Reynslu af Linux-uppsetningum, greiningu á álagsmálum og þekkja til helstu kerfa. Sem dæmi má nefna... Lesa meira

Trackwell á Verk og vit 2018

Trackwell verður á  stórsýningunni Verk og vit í Laugardalshöll 8.-11. mars að kynna Tímon og Flota fyrir gestum sýningarinnar.  Sýningin er haldin í fjórða sinn og er eins og áður tileinkuð byggingariðnaði, iðnaðar- og þjónustufyrirtækjum, sjá verkogvit.is. Sýningin var síðast haldin árið 2016 og tókum við þá þátt í fyrsta... Lesa meira