Fiskveiðiyfirvöld í Bretlandi velja eftirlitskerfi frá Trackwell

Fiskveiðiyfirvöld í Bretlandi velja eftirlitskerfi frá Trackwell

Fiskveiðieftirlitskerfi frá íslenska hátæknifyrirtækinu Trackwell varð fyrir valinu í opnu útboði breskra fiskveiðiyfirvalda um kerfi til fiskveiðieftirlits með um 8.000 skipum á öllum hafsvæðum í landhelgi Bretlands næstu 5-7 ár. Meðal keppinauta í útboðinu voru stór alþjóðleg fyrirtæki.

Samningurinn kveður á um eftirlit með öllum breskum skipum yfir 12 metrum að lengd og með skipum annarra þjóða sem stunda veiðar á bresku hafsvæði. Sala á kerfum Trackwell hefur gengið vel síðastliðin misseri og munu þau með þessum samningi fylgjast með um 20.000 farartækjum á sjó, landi og í lofti, í Evrópu og Bandaríkjunum.

Þessi samningur er mjög mikilvægur fyrir Trackwell. Við höfum verið að þróa nýja kynslóð upplýsingakerfa í samstarfi við íslenska viðskiptavini og mun þessi samningur styrkja okkur í sókn á erlendum markaði,“ segir Jón Ingi Björnsson, framkvæmdastjóri Trackwell.

Umfangsmikið eftirlit í rauntíma

Trackwell VMS kerfið hefur sjálfkrafa ítarlegt eftirlit með margvíslegum þáttum í atferli skipa, eins og með veiðum á lokuðum svæðum, veiðileyfum, reglulegum skilum á skýrslum og gögnum og fleiru. Fjöldi útstöðva verður vítt og breitt um Bretland auk þess sem gögnum verður miðlað til eftirlitsskipa og flugvéla. Kerfið tengist sambærilegum kerfum 15 annarra þjóða til miðlunar gagna í báðar áttir. Það verður því notað til umfangsmikils eftirlits á stórum hafsvæðum. Kerfið dreifir sjálfkrafa staðsetningargögnum frá breskum skipum að veiðum utan breskrar lögsögu til viðkomandi lands eða þeirrar stofnunar sem hefur með hafsvæðið að gera.

Kerfið er nú þegar notað af Norðaustur-Atlantshafsfiskveiðinefndinni (NEAFC), Suðaustur-Atlantshafsfiskveiði
stofnuninni (SEAFO) og yfirvöldum í Litháen, Færeyjum og Albaníu, auk Íslands.

Fiskveiðieftirlitskerfi í allra fremstu röð í heiminum í dag

Fiskveiðieftirlitskerfi Trackwell var upphaflega þróað sem öryggiskerfi fyrir Sjálfvirku tilkynningaskylduna í kringum 1998. Fljótlega hófst samstarf við Landhelgisgæslu Íslands og sjávarútvegsráðuneytið um viðbætur við kerfið vegna fiskveiðieftirlits.  Á undanförnum árum hefur Trackwell auk þess átt náið samstarf við Neyðarlínuna og Fiskistofu um áframhaldandi þróun kerfisins og rekstur þess. Þessar stofnanir hafa miðlað af þekkingu sinni og reynslu til tæknimanna Trackwell og gert þeim kleift að þróa kerfið þannig að það er nú í allra fremstu röð slíkra kerfa í heiminum.
Vaktstöð-siglinga

Hafðu samband

Hafðu samband í dag til að fá meiri upplýsingar um þjónustu okkar.

+354 5100 600
Trackwell
Laugavegi 178
105 Reykjavík, Iceland

Fréttir

Gleðilega sól og Tímon

Ó, blessuð vertu sumarsól, mikið er gaman að sjá þig í Reykjavík. Við fengum fyrirspurn frá fyrirtæki sem ætlar að loka hjá sér eftir hádegi og gefa starfsmönnum frí. Þau vildu vita hvernig væri hægt að búa til stimplun á alla starfsmenn. Það er hægt með hópstimplun sem er að... Lesa meira

Tímon vaktaplan – nýtt útlit og umbætur

Við höfum unnið að breytingum á Tímon vaktaplani í mjög góðu samstarfi við nokkra viðskiptavinum okkar. Þróun á kerfinu er í fullum gangi en byrjað var á umbótum sem snúa að viðmóti fyrir vaktstjóra og hópstjóra m.a. þegar vaktir eru búnar til og raðað niður. Mögulegt er að vinna... Lesa meira

Spennandi verkefni – Optigear fyrir togveiðiskip

Undanfarið höfum við hjá Trackwell unnið að spennandi verkefni í samvinnu við Naust Marine og fleiri aðila. Um er að ræða fyrsta kerfi sinnar tegundar, sem ætlað er að auka hagkvæmni við togveiðar með bættu aðgengi að upplýsingum um beitingu veiðarfæra og umhverfisaðstæður. Frumgerð Optigear er nú í prófunum um... Lesa meira