Ert þú Viðmótshönnuður eða Forritari?

Trackwell leitar að fólki til að styrkja framþróun lausna sinna og sókn á ný mið. Að þessu sinni leitum við að fólki í eftirfarandi störf:

Viðmótshönnuður

Við leitum að viðmótshönnuði (UX Designer) sem getur leitt framþróun á ímynd fyrirtækisins í gegnum kerfisviðmót og kynningarefni. Þú þarft að hafa brennandi áhuga á góðri notendahögun, hafa gott auga fyrir útliti og búa yfir góðum samskiptahæfileikum.

Unnið er með vörustjórum, viðskiptavinum og þróunarteymi að skapa notendavæn og sveigjanleg atvinnuverkfæri sem ganga á mörgum tækjum. Þú munt kynna lausnir þínar á myndrænan og nákvæman hátt fyrir hlutaðeigendum og vinna sem hluti af forritunarteymi að framþróun og staðfestingu á virkni og hegðun.

Þú ættir að vera sérfræðingur í Adobe creative suite en einnig er sterkur kostur að þú geti unnið við CSS og HTML og þú þarf að ná yfirsýn yfir flókin kerfi.  Starfsreynsla við viðmótshönnun er nauðsynleg og menntun á tengdu sviði er stór kostur.

Forritari

Við leitum að forritara sem getur tekið að sér fjölbreytt verkefni í öllum lögum kerfa okkar (full stack developer). Þú þarft að hafa a.m.k. árs starfsreynslu af forritun og menntun við hæfi.

Unnið í teymi sérfræðinga að framþróun áreiðanlegra kerfa eftir Agile aðferðafræði með Lean áherslum og Scrum beitt þar sem það hentar. Verkefnin eru fjölbreytt og reglulega er farið yfir tæknilega stöðu þar sem allir hafa áhrif á tæknilega stefnu. Þú munt hafa frumkvæði að úrlausn tæknilegra mála auk náinna samskipta við samstarfsfólk.

Yfirgripsmikil þekking og reynsla af MVC forritun og gagnagrunnsvinnslu er nauðsynleg. Kostur er að hafa þekkingu á Java, Spring, JSON/REST, WSDL, C/C++, Python, Android, Linux og RabbitMQ .

 

Umsóknir sendist á job@trackwell.com fyrir 11. mars. Nánari upplýsingar gefur Sigurður E. Guttormsson í síma 5100600.

Hafðu samband

Hafðu samband í dag til að fá meiri upplýsingar um þjónustu okkar.

+354 5100 600
Trackwell
Laugavegi 178
105 Reykjavík, Iceland

Fréttir

Baffin Fisheries með Hafsýn

Hafsýn afla- og framleiðsluskráningarkerfi var nýlega sett upp um borð í kanadíska frystiskipinu MV Sivulliq sem er í eigu Baffin Fisheries. Hafsýn lausnin einfaldar skráningu um borð og gerir stjórnendum í landi kleift að fylgjast með veiðum og vinnslu um borð. Kanadísk fiskveiðiyfirvöld hafa gefið út að árið 2019... Lesa meira

Leitum að DevOps sérfræðingi

Trackwell leitar að forritara með djúpa Linux kerfisþekkingu sem nýtist við að skipuleggja og vinna að uppbyggingu vefkerfa fyrirtækisins, ásamt greiningu og lausn á hraða- og álagsvandamálum. Þú þarft að geta unnið þétt með teymi sem skiptir með sér forritunarverkefnum þar sem þitt hlutverk verður að tryggja virkni neðsta... Lesa meira

Velkomin á Hafsýnar básinn í Smáranum

Trackwell mun kynna Hafsýn á íslensku sjávarútvegssýningunni í Smáranum 13.-15. september. Á sýningunni verður megináhersla lögð á að kynna nýjungar í Hafsýn sem nýtast skipstjórnendum. Í kerfinu er hægt að fletta upp eldri veiðiferðum og skoða upplýsingar um afla úr köstum, auk gæða og meðalstærð fisks. Einnig er hægt... Lesa meira