100% rafhlöðuknúin staðsetningavöktun

Í lok síðasta árs kynnti Trackwell nýja vöktunarþjónustu fyrir búnað og tæki sem ekki hafa aflgjafa. Staðsetningarbúnaður sem er frá Dönskum samstarfsaðila Trackwell er byltingarkenndur að því leiti að rafhlaðan dugir í 10-12 ár.  Þá eru tækin vatns- og höggheld (IP69).   Þjónustan hentar vel  þeim aðilum sem vilja vakta búnað eins og kerrur, flutningsgrindur, gáma o.sfrv. Nú í febrúar tók Skeljungur hf. ákvörðun um innleiðingu á slíkri vöktunarþjónustu.   Skeljungur hyggst nota þjónustuna til þess að hafa umsjón með olíukálfum og auka þannig yfirsýn yfir notkun þeirra og um leið lækka umsýslukostnað. Við óskum Skeljungi til hamingju með nýju tækin og hlökkum til áframhaldandi...

Tilkynning um bætt öryggi

Sem liður í hertum öryggiskröfum verða frá og með 8. febrúar allir Tímon vefir með dulkóðuð samskipti yfir SSL staðal (HTTPS). Þetta mun ekki hafa áhrif á ykkar aðgengi; núverandi slóðir munu virka áfram og verður sjálfvirkt framvísað á nýja slóð. Fyrir þann tíma verða allir sem nota Broskarl útgáfu 4.x eða eldri að uppfæra hjá sér í útgáfu 5.0 eða nýrri.  Nýjan Broskarl er hægt að nálgast hér:   http://www.timon.is/timon_broskarl_5.zip   Til þess að sjá útgáfunúmer broskarls er hægri-smellt á broskarl og farið í Um valmynd. Það sem mun einnig breytast við þessa öryggisherslu: Tímon mun hætta að styðja við sjálfgefin lykilorð. Þetta þýðir að þegar nýjir starfsmenn eru stofnaðir í Tímon þá nægir að setja inn netfang og munu starfsmenn geta sótt sér eigið lykilorð.  Þetta mun ekki hafa áhrif á lykilorð þeirra starfsmanna sem hafa nú þegar aðgang að Tímon. Kerfisstjórar munu áfram stjórna aðgengi starfsmanna að Tímon og geta lokað alfarið fyrir aðgang þeirra. Hér eru nánari leiðbeiningar (spurningar/svör). Vantar þig frekari aðstoð?   Hafðu samband í 5100-600 eða á timon@trackwell.com Smelltu hér til að sjá frekari upplýsingar um...

Afladagbækur veita verðmæta yfirsýn

Grein úr Morgunblaðinu 23.október 2014: „Trackwell þjónustar langflest útgerðarfyrirtæki á Íslandi með hugbúnaðarlausnum sem skila þeim aukinni hagræðingu og yfirsýn þannig að þau geti skipulagt reksturinn betur en ella. Félagið hefur tvöfaldað umsvif sín í lausnum byggðum á rafrænum afladagbókum á síðustu tveimur árum. „Við veitum útgerðum yfirsýn yfir veiðiferðir og bjóðum upp á rekjanleika sjávarafurða frá veiðislóðum og inn í vinnslu eða á markaði,“ segir Steingrímur Gunnarsson, sölustjóri Trackwell. Fyrirtækið hefur um árabil boðið upp á hugbúnaðarlausnir fyrir sjávarútveginn sem byggjast á rafrænum afladagbókum. Öllum íslenskum fiskiskipum með kvóta, sem eru um 300 talsins, er skylt að nota rafræna afladagbók til þess að miðla upplýsingum til Fiskistofu. Í þeim tilgangi hefur útgerðum verið afhent afladagbók sem Trackwell vann fyrir Fiskistofu. Í afladagbókina eru skráðar staðsetningar kasta, afli, fisktegundir og fleira. „Útgerðirnar geta svo keypt viðbótarútgáfu sem kallast Trackwell Maritime. Hún gefur þeim aðgang að gögnum um eigin skip sem þau geta nýtt til þess að hafa aukna yfirsýn og skipuleggja frekari ráðstöfun á afla. Í Maritime-útgáfunni eru staðsetningar og aðrir þættir skráðir sjálfkrafa í kerfið og hægt er að skoða sögu fyrri veiðiferða í sérstökum skýrslum. Gögnin koma jafnóðum í land og notendur geta skoðað þau í gegnum vefviðmót sem varið er með notandanafni og lykilorði,“ segir Steingrímur. Einnig er hægt að fá smáforrit fyrir snjallsíma. „Með einum smelli má sjá staðsetningar skipanna og afla um borð. Aðgangur að gögnunum er svo geymdur í símanum.“ Aukin hagræðing og yfirsýn Trackwell býður einnig upp á viðbót við Maritime-lausnina sem ber heitið Afurðarstjóri. „Afurðarstjórinn heldur utan um skráningar á körum eða kössum og hentar fyrir ísfiskskip, uppsjávarskip og vinnsluskip,“ segir...

Samstarf milli Trackwell og Marsýn

Trackwell  og sprotafyrirtækið Marsýn hafa hafið samstarf um birtingu spágagna fyrir ýmsa þætti sjávar, svo sem hita, seltu, ölduhæð, áhlaðanda og sjávarstrauma. Marsýn sérhæfir sig í að hanna og byggja spálíkön er lýsa flæði sjávar sem og öðrum þáttum. Gögnin byggja á þrívíddar straumalíkaninu CODE, sem hefur verið mörg ár í þróun við Háskóla Íslands. Nú er unnið að samtengingu spálíkans við veiðisögu útgerðanna, sem gefur möguleika á enn nákvæmari upplýsingum. Viðskiptavinir Trackwell munu geta fengið aðgang að þessum upplýsingum í gegnum Maritime vefviðmót og séð spár um ástand sjávar sem gefur vísbendingar um útbreiðslu fiskistofna og er þá einkum horft til uppsjávarfisks.         ...

Trackwell með erindi á hafráðstefnu Google

Trackwell var boðið að halda erindi á hafráðstefnu Google sem var haldin dagana 23.-24. apríl síðastliðinn í höfuðstöðvum Google í Kaliforníu. Helstu mál sem fjallað var um á ráðstefnunni var verndun auðlinda hafsins, nýting á upplýsingatækni  auka eftirlit meðveiðum og koma í veg fyrir ólöglegar veiðar. Einnig var markmið ráðstefnunnar að ræða hvernig stuðla megi að aukinni samvinnu stjórnvalda, atvinnulífs og almennings í þágu verndunar hafsins, bæði innan og utan efnahagslögsögu einstakra ríkja. Trackwell fjallaði um hlutverk þeirra í vöktun og eftirlit á Norður-Atlandshafi Kolbeinn Gunnarsson, forstöðumaður Trackwell Maritime ræddi um hvernig Trackwell hefur gegnt mikilvægu hlutverki í vöktun og eftirliti á Norður-Atlandshafi frá 1996 og fór í gegnum tæknilegar áskoranir sem eru þar. Forseti Íslands var meðal fyrirlesara Meðal annarra fyrirlesara á ráðstefnunni voru forseti Íslands, herra Ólafur Ragnar Grímsson, fulltrúar frá bandaríska sjóhernum, bandarísku strandgæslunni, Standford háskóla, UCLA, NASA, ýmsum umhverfis stofnunum ásamt lykilstjórnendum frá Google. Nánari upplýsingar veitir Kolbeinn Gunnarsson, forstöðumaður Trackwell Maritime, kolbeinn@trackwell.com, sími: 860...

Hafðu samband

Hafðu samband í dag til að fá meiri upplýsingar um þjónustu okkar.

+354 5100 600
Trackwell
Laugavegi 178
105 Reykjavík, Iceland

Fréttir

Trackwell VMS stýrir fiskveiðieftirliti fjögur þúsund skipa í Kyrrahafinu

Trackwell er sönn ánægja að greina frá því að fyrirtækið hefur nú innleitt tvö ný fiskveiðieftirlitskerfi (e. Vessel Monitoring System, VMS) í Kyrrahafinu hjá Fiskveiðiráði Kyrrahafseyjanna (Pacific Islands Forum Fisheries Agency, FFA) og Fiskveiðnefnd Vestur- og Mið Kyrrahafs (Western and Central Pacific Fisheries Commission, WCPFC). Hafsvæðið sem heyrir undir... Lesa meira

Við leitum að vefforritara

Umsækjendur þurfa að hafa starfsreynslu af vefforritun og menntun á tengdu sviði. Verkefni krefjast frumkvæði að samskiptum og úrlausnum á tæknilegum útfærslum. Yfirgripsmikil þekking og reynsla af HTML/JavaScript er nauðsynleg og góð reynsla af Python eða Java. Æskliegt er að viðkomandi þekki til Django, Spring eða sambærilegra umhverfa. Einnig... Lesa meira

Leitum að Tímon ráðgjafa

Trackwell leitar að áhugasömum liðsmanni í Tímon teymið okkar sem sér um ráðgjöf og þjónustu við viðskiptavini Tímon. Helstu verkefni  Ráðgjöf og greining á þörfum viðskiptavina  Reikniregluforritun til útreikninga launa  Samskipti við viðskiptavini og úrvinnsla þjónustubeiðna  Þátttaka í innleiðingum og almenn þjónusta Menntunar- og hæfniskröfur Áhugi á forritun er nauðsynlegur,... Lesa meira